ИБТИДО

Кунларимиз ўтиб борябди. Ҳар кимнинг ўз иши, юмуши бор. Кимлардир мансаб мартаба орзусида, кимлардир тўкин хаёт орзусида ва яна кимлардир эса фарзанд, унинг камоли, эл юрт тинчлиги, осойишталиги орзусида қадамини тезлаштирябди. Ҳар ким орзусига интилябди харакат қилябди, шу билан биргалкда дуоларда тўхтаб қолмаябди. Дуода гап кўп. Халқнинг, жамоатнинг дуоси билан энг оғир, вафоти аниқлиги айтилган беморнинг соғайиб кетганини кўрдик. Дуонинг қудратидан кишилар наздида амалга ошишиши эртакка ўхшаган юмушнинг ҳал бўлганини кўрдик. Ҳамма гап дуонинг ижобатида. Шунинг учун ҳам дуо сўраётганлар "Кўпнинг ичида Хизр бор" деб таъриф қилишади. Нима учун дуодан гап очдим. Қуръони Каримда: “ Сиздан (Эй, Муҳаммад) бандаларим Менинг ҳақимда сўрасалар, (айтинг) Мен уларга яқинман. Менга илтижо қилувчининг дуосини ижобат этурман. ” (Бақара сураси, 186-оят бошида).дейилади. Шунингдек Абу Ҳурайро р.а.дан ривоят қилиган хадисда: “ Набий салаллоҳу алайҳи вассаллам: “Аллоҳга дуодан к...

Хеч ким тўлиқлигича ёмон ёки тўлиқлигича яхши бўлмайди. Кимнидир ёмон кўрганингда ёки кимнидир яхши кўрганингда хаддингни бил. Саттор бўлган Зот ўз сифати билан ғайбни беркитиб турганида билганларинг билмаганингдан кўра жуда оз! © Акбаржон Абдулмажид

Риёкорга шариат жазо тайинлайдими. Аввало риёни қандай амал эканлигини билиб олишимиз керак. Одатда ҳуқуқбузарлик амаллари амалий ( харакат ёки харакатсизлик билан) ва қалбий (зохирга чиқмаган, қалбда бўлган) кўринишда бўлади. Амалий ҳуқубузарликларга ўз-ўзидан жазо - хад тайинланадики бунинг учун алоҳида меъёрий нормалар белгиланади.  Энди қалбий яъни хали зохирига чиқмаган иллатларга эса шариат жазо тайинламайди. Уни Аллоҳнинг ҳукмига хавола қилади. Аллоҳ хохласа бу дунёд а хоҳласа у дунёда жазосини беради. Шунга кўра риё бу қалб иши, шариат эса зохир бўладиган жисмий ҳуқуқбузарликларга хад тайинлайди, юқорида айтилганидек қалбни Аллоҳга хавола қилади. Росулуллоҳ салаллоҳу алайҳи васаллам билиб, кўриб турган мунофиқларни жазоламадилар, чунки мунофиқлик қалб иши, зохири бўлган жисмий хуқуқбузарлик эмас. Шариат эса жамиятда тартибга солиш учун ҳуқуқий меъёрлар йиғиндисидир. Умумий маънода ҳуқуқий оила. Маълум бир харакатлар (ёки харакатсизлик) шариат томонидан рағбат ёки хад яъни ...

Бирмадаги мусулмонларга  Эй дўстларим сизга ошно бўлолмадим  Нетай ахир дўстлик қарзин узолмадим  Ниятимда бўлди ҳамма яхшилигим  Лекин бугун амалимла йўллолмадим  Ҳайрингизни кўрса кўзим қувнар, яшнаб  Амалингиз то қиёмат турсин яшаб  Истагимда пойингизга жоним тўшаб  Лекин жоним жонингизга улолмадим  Қилганимиз дуо бўлди биз томондан  Ётоқ қилдик пар ёстиқдан, сиз сомондан  Мархаматлар кутманг бугун биз ёмондан  Бутпарастда қолган хуниз ололмадим  Хақдан тоймай жохилларга мағрур боқиб  Уйингизни қилдилар кул ўтда ёқиб  Қонми, кўз-ёш чиқаётган сиздан оқиб  Лек бу ерда кўзимдан ёш тўколмадим  Лолу ҳайрон кузатадир кенг бу дунё  Кўзларига кўрингани ўнгми – рўё  Сукут сақлар, кўрмай чора, боғлиқ гўё  Нафрат билан хуморимдан чиқолмадим!!! Бирмадаги жохилларнинг касофати Бир кун албат ўзга қайтар бу офати Жаннат бўлсин кўз ёшинг...

Таксида икки киши гаплашиб кетишябди: - Қаерда ишлайсиз ака? Сўроққа тутди биринчи киши, - Туман марказидаги палон банкда, эриниб жавоб берди иккинчиси. -Ўша ердами, хмм. ўша ерда ишлайдиган Азиз борку, кредит бўлимининг бошлиғи, ўша менинг жияним бўлади, - нимагадир гапдонлиги тутиб кетди биринчи кишини. - Ҳа яхши,- малол келибгина жавоб берарди иккинчи киши. - Халиги, Қосим акани танийсиза, бору, банкнинг "зам начальниги". ўша киши мени нақ тоғам бўлади! - "керилишини қаранг" деворай дедим буёғдан. Охири иккинчи кишининг тоқати тоқ бўлди шекилли: - Банкнинг бошлиғи Нормурод Сатторовични танийсизми? - Ха, албатта танийман, янги келган, номини эшитгандим... - Ўша киши мен - ўзим бўламан! - деди қовоғини уйиб. Ваниҳоят қолган йўлда жимгина кетдик. © Акбаржон Абдулмажид

МТРК каналларида САМСУНГ компаниясининг видео рекламаси қўйилябди. Унда бир кутубхонада Самсунг смартфон эгаси бўлган қиз кириб келадида илова саҳифаларидан худди китоб ўқигандай саҳифаларини очиб, кўз югуртира бошлайди. Шу вақтда Самсунг вакиллари наздида китоб ўқувчиси қиёфасида гавдаланиши керак бўлган, бетартиб, кўзойнак таққан, писсимист (!) қиз бир уюм китоблари билан норози қиёфада келиб ўтиради. Ўзини смартфони воситасида маданиятли кўрсатишга урунилган қиз эса на смартфон иловаларидаги китобларини ўқийди ва на унга янгисини юклаб олади, саҳифаларни бир - бир мақтангандай кузатадида чиқиб кетади. Энди реклама ролигидаги энг дахшатли манзара кўзга ташланади. Китоб ўқувчиси бўлган қиз, смартфон эгасининг олдида нотовондай, китоб ўқишдан шу смартфон эгаси бўлишни авзал кўргандай қараб қолади! Хозирги жамиятимизда ёшларни тарбия қилишнинг энг катта муаммоларидан бири уларни китоблардан узулиб қолаётганини давра сухбатлари, телемулоқотларда бот-бот такрорлашдан чарчамайдиган МТРК н...