МТРК каналларида САМСУНГ компаниясининг видео рекламаси қўйилябди. Унда бир кутубхонада Самсунг смартфон эгаси бўлган қиз кириб келадида илова саҳифаларидан худди китоб ўқигандай саҳифаларини очиб, кўз югуртира бошлайди. Шу вақтда Самсунг вакиллари наздида китоб ўқувчиси қиёфасида гавдаланиши керак бўлган, бетартиб, кўзойнак таққан, писсимист (!) қиз бир уюм китоблари билан норози қиёфада келиб ўтиради. Ўзини смартфони воситасида маданиятли кўрсатишга урунилган қиз эса на смартфон иловаларидаги китобларини ўқийди ва на унга янгисини юклаб олади, саҳифаларни бир - бир мақтангандай кузатадида чиқиб кетади. Энди реклама ролигидаги энг дахшатли манзара кўзга ташланади. Китоб ўқувчиси бўлган қиз, смартфон эгасининг олдида нотовондай, китоб ўқишдан шу смартфон эгаси бўлишни авзал кўргандай қараб қолади!
Хозирги жамиятимизда ёшларни тарбия қилишнинг энг катта муаммоларидан бири уларни китоблардан узулиб қолаётганини давра сухбатлари, телемулоқотларда бот-бот такрорлашдан чарчамайдиган МТРК нинг эфир тақдимотчиларига китобхонлар масқара бўлиб қолдими?! Наҳотки шундай ғояни илгари сурувчи рекламани қўйишса, наҳотки болаларига китобларини "ГАЛАКСИ"ларга алмашишини тарғиб қилса, савия шу даражага тушиб қолдими! Ёки тузукроқ ғоялар қуриб қолдимики китобни мўлжалга олишаётган бўлишса!
Комментарии
Отправить комментарий