Мьянма-Бирмадаги геноцид

Бирмадаги мусулмонларга

 Эй дўстларим сизга ошно бўлолмадим

 Нетай ахир дўстлик қарзин узолмадим

 Ниятимда бўлди ҳамма яхшилигим

 Лекин бугун амалимла йўллолмадим

 Ҳайрингизни кўрса кўзим қувнар, яшнаб

 Амалингиз то қиёмат турсин яшаб

 Истагимда пойингизга жоним тўшаб

 Лекин жоним жонингизга улолмадим

 Қилганимиз дуо бўлди биз томондан

 Ётоқ қилдик пар ёстиқдан, сиз сомондан

 Мархаматлар кутманг бугун биз ёмондан

 Бутпарастда қолган хуниз ололмадим

 Хақдан тоймай жохилларга мағрур боқиб

 Уйингизни қилдилар кул ўтда ёқиб

 Қонми, кўз-ёш чиқаётган сиздан оқиб

 Лек бу ерда кўзимдан ёш тўколмадим

 Лолу ҳайрон кузатадир кенг бу дунё

 Кўзларига кўрингани ўнгми – рўё

 Сукут сақлар, кўрмай чора, боғлиқ гўё

 Нафрат билан хуморимдан чиқолмадим!!!

Бирмадаги жохилларнинг касофати

Бир кун албат ўзга қайтар бу офати

Жаннат бўлсин кўз ёшингиз мукофати

Сиз эришган даражага етолмадим

22.09.2013

Маълумот учун

БМТ: Мьянмадаги мусулмонларни хўрлаш – инсонийликка қарши жиноятдир

БМТ Мьянмадаги роҳиньялик мусулмонларнинг хўрланишини  инсонийликка қарши жиноят, деб расман эълон қилмоқчи. БМТнинг инсон ҳуқуқлари бўйича Олий комиссарият бошқаруви шу ҳақда баёнот берди. Бундай жиноятларни содир қилишда, хусусан, ҳукумат  армиясининг ҳарбий хизматчилари айбланмоқда.

Ҳуқуқ   ҳимоячиларининг маълумотига кўра, антитеррористик амалиётлар ниқоби остида аскарлар мамлакатнинг ғарбий қисмидаги мусулмон эркакларни қийноққа солган ҳамда  ўлдирган, аёлларга нисбатан эса зўрлик ишлатган.
Эслатиб ўтамиз, БМТ маълумотларига кўра роҳиньялик  мусулмонлар бугунги кундадунёда энг кўп хўрланаётган миллатдир. 2012 йилдан бери 120 мингдан ортиқ  мьянмалик мусулмон ўз уйини ташлаб, мамлакатдан қочишга мажбур  бўлган. Қочқинлар ҳозирги кунда тиббий ёрдамдан маҳрум ҳолатда, ҳеч қандай шароитга эга бўлмаган чайлаларда жон сақлашмоқда...
манба : http://info.islom.uz/dolzarb-mavzu/item/1855-bmt-myanmadagi-zulmga-qarshi.html

Мьянма, бошқа номи Бирма. Жанубий шарқий Осиёдаги мамлакат