Порталга ёзишда айрим ҳолатлар ҳақида

Порталга ёзиш айримлар учун "мўда" бўлиб қолди. Тўғри бу имконият кимларнингдир ҳал қилиб бўлмайдиган ишларини ҳал қилиб берилишига сабаб бўлябди, адолатсизликлар бўлган ўринларда улар бартараф этилишига, мухтожларнинг эхтиёжлари қондирилишига, муаммоларнинг бартараф бўлишига сабаб бўлябди. Аммо айрим вақтларда эски "касб" эгаларига имкониятларни кенг очиб, уларнинг "шогирд"ларини ҳам кўпайтиришига сабаб бўлаётгани очиқ - ойдин кўриниб қолябдида.
Бир давлат массасасида бугун ҳам битта опахонни кўрдим, порталга бир бўлим устидан ёзган экан. Бечора бўлимни принтердан чиқаришга қоғози йўқ, келиб мендан бир дона қоғоз илтимос қилиб сўраб олдида опани чақириб:
- Келинг ўтиринг, деб қоғоз ручка қўлига тутказмоқчи бўлса:
- Эй, мен сувни кўрмай этик ечадиганлардан эмасман, менга бирон нима ёздираман деб оввора бўлиб юрмаларинг, бу соҳада тажрибам етарли! деб дўқ уриб чиқиб кетди.

Опахон, бу жойда ўтирган одам ҳам сизларни маҳалладошларинг, у ҳам бир оддий мусулмонни боласи, дўқ қилиб чиқиб кетгандан кўра нимани ёздирмоқчию, мурожаатни қонаотлантираоладими, йўқми суриштириб кўрмайсанми дейдиган одам топилмади.

Яқинда яна ажойиб холат бўлди. Хокимиятдан телефон қилишди. Палончи фамилияли инсон сизга мурожаат қилганми деб сўрайди. Йўқ дедим. Исми ҳам яшаш жойи ҳам, кўтарган масаласи ҳам нотаниш, умуман эшитмаганман. "Мурожаат қилсам ишимни битказиб бермади", деб порталга ёзибди.
Бордим, ёши катта онахон экан. Умримда биринчи мартта кўришим, Салом-аликдан кейин, мени танийсизми дедим. табиийки "йўқ" деб жавоб берди.
Менга мурожаат қилган экансиз, шунқа дейишябди, дедим.
Хокимият вакилига "Мен мурожат қилган киши бу бола эмас эди. Унинг ёши каттароқ котмадан келган киши эди" деб айтди.
Суриштирсам 2014 йилда мурожаат қилган экан, хужжатлар тўғрилаб келиш бўйича рўйхат берилганида шу бўйи келмай кетган экан. Халқимизнинг ҳуқуқий саводхонлигини, ҳуқуқий онгини ошириш чораларини кўриш керак деб қоламанда шунақа вақтларда.

Порталга мурожаат қилишдан олдин тегишли тартибда давлатнинг ваколатли органига мурожаат қилиш керак. Мурожаат қилганда ҳам ёзма равишда икки нусҳада ариза билан бориб, бир нусҳасига қўл қўйидириб олиши керак. Агар қўл қўйишдан бош тортадиган бўлса Почтанинг "Махсус буюртма" хизматидан фойдаланиб, хат юбориб, расмий жавоб талаб қилиш керак. Белгиланган муддат (одатда 10 кун) ичида жавоб берилмаса ёки қониқарли жавоб олмаса ундан сўнг юқори ташкилотга, прокуратурага ёки ана бўлмасам порталга мурожаат қилиш керак бўлади. Анашунда муаммо ҳам ўрнида ҳал бўлади, тартиб ҳам ўрнатилади. Сонсиз, саноқсиз мурожаатлар бироз бўлсада енгиллашади.