4 та олтин, 2 та кумуш ва 7 та бронза!
Тарихий воқеаларни гувоҳи бўлябмиз, азизлар! Бугунги кунгача олимпияда тарихида бунчалик яхши натижа кўрсатмаган эди спортчиларимиз. Бу муваффақиятлар шак- шубхасиз тарихда зарварақлар билан ёзилади. Биринчи мартта ёзги олимпияда мусобақасида 4 та олтин медал олишга муваффақ бўлдик. Шуннингдек жамоамиз хозирги кунда 2 та кумуш ва 7 та бронза медалларини нақд қилиб қўйишган. Умумжамоа хисобида мамлакатимиз 21.08.2016 й холати бўйича 21-поғонага кўтарилиб олдик! Мусобақа эса якунланай деб қолди.
Шуни ҳам алохида таъкидлаб ўтиш керакки Бокс бўйича 3та олтин, 2та кумуш ва 2 та бронза билан умумжамоа хисобида 1-ўринни эгалладик. Афсонавий Кубалик боксчилар ҳам Ўзбек ўғлонлари олдида бош эгиб қолдилар, уларга 2-ўрин насиб қилди, 3-ўринни эса Франсия боксчиларига насиб қилди.
Эътиборингизга йиллар давомида ёзги олимпиядаларда мамлакатимиз спортчилари эришган натижаларни ҳавола қиламиз.
1992 йилда ҳали Халқаро Олимпияда Қўмитасига мустақил субъект сифатида аъзо бўлмаганимиз учун Собиқ Иттифоқнинг Бирлашган жамоаси билан иштирок этишга мажбур бўлганмиз.
1996 йил АҚШнинг Атланта шаҳрида ўтган ёзги олимпиядада биринчи мартта қатнашган бўлсак, унда 1 кумуш ва 1 бронза билан 58-ўринни банд қилганмиз.
2000 йил Авсралиянинг Сидней шаҳрида бўлган ёзги олимпияда мусобақасида биринчи тарихий олтин медални Мухаммадқодир Абдуллаев олиб берган. Шу йили 1 кумуш ва 2 бронза медали билан 43-ўринга кўтарилганмиз.
2004 йил Греция пойтахти Афинада бўлган олимпияда мусобақасида эса Артур Таймазов ва Доктарашвилилар мамлакатимиз хисобига 2 та олтин медал олиб берган, шунингдек 1 та кумуш 2 та бронза билан умумий хисобда хозирги кунгача энг яҳши кўрсаткичимиз бўлган 35-ўринни эгаллаганмиз.
2008 йил Хитой пойтахти Пекинда ўтган ёзги олимпиядада мамлакатимиз хисобига Қирол Артургина олтин олиб бераолган. Шунингдек 2 та кумуш 3 та бронза медали билан 40-поғонани эгаллаганмиз.
2012 йил Лондонда бўлиб ўтган ёзги олимпиядада мамлакатимиз хисобига яна ўша Қирол Артур Таймазов олтин медал ёзиб қўйиб бироздан сўнг фаолиятини якунлаган. Алоҳида таъкидлаб ўтиш керакки у фаолияти давомида олимиядаларда 3 карра олтин олиб олимпияда тарихига шундай натижага эришган иккинчи спортчи сифатида кирган. Шунингдек ўша мусобақада 2 та бронза медалига эгалик қилганмиз. Умумжамоа хисобида эса 48 - ўринни банд қилганмиз.
Кўриб турганингиздек ўтган даврлар мобайнида энг кўпи билан Афинада 2004 йил 2 та олтин олишга эришганмиз. Умумжамоа хисобида эса ўша йили 35-ўрингагина кўтарилаолганмиз халос.
Бу йил сермаҳсул бўлди. Янги марраларга эришдик, келгусида натижаларимизни бундан ҳам яхши бўлишига ишонамиз ва тилкдошмиз.
Спорт муҳлисларини яна бир бора табриклайман! Ғалабалар муборак бўлсин!
Комментарии
Отправить комментарий